Nagngalit ang mga mata ni Heather habang sinisigaw niya ang mga tanong na ito. Mukha namang napahiya si Morticia nang marinig niya iyon. Masyadong nakakahiya para sa kaniyang bumalik dito pagkatapos niyang mangako na aalis siya.

Bahagya siyang tumigil bago siya sumagot kay Heather ng, “Huwag kang magalala. Tutuparin ko ang pangako ko. Wala akong sasaktang mga miyembro ng Hidden Hero Sect at pamilya Carter. Bumalik lang ako rito para iligtas ang Kamahalan.”

Pinlano niyang sirain ang formation at umalis kasama ni Archfiend Antigonus. Hindi na siya magtatagal pa sa lugar na iyon sa sandaling magawa niya ang gusto niya. Hindi ito maituturing bilang pagsira sa kaniyang pangako ngayong sisirain lang naman niya ang formation. Magagawa niya ito nang hindi nananakit ng kahit na sinong miyembro ng Hidden Hero Sect.

Natigilan naman si Heather habang inaalam kung paano siya magrereact dito.

‘Sisirain ang formation?’ Napasimangot dito sina Ambrose, Chester, Dax at ng iba pa nitong mga kasama.